نبذة عن تربية الاغنام من حيث الرعايه والتغذية والعلاج وبدائله

👇👇👇

هااااام هاااام

التغذيه والنظافه والتحصين هى أهم شئ

حجات كتير المربى او اللى عاوز يبدء ويربى بيسئل فيها

اولا :- المكان

تجهيز المكان قبل كل شئ ويكون يصلح لتربيه من حيث التهويه و دافى خاصه فى الشتاء وجيد التهويه فى الصيف وتتحكم فى ذلك الشبابيك او اغلاق وفتح المنافس باى وسيله وتجهيز العلافات والمكان يطهر ويترش ويتفرش حسب الارضيه رش جير مخلوط ببدره ملاسيوم 5% وتغطى بقش ارز مفروم وفيه اللى الارض رمل او تراب وترش بكلور وياسلام لما تولع شويه فحم وتحط 3او4 قرون شطه وتقفل المكان 3او4ساعات كدا المكان جاهز

ثانيا :- المخزن لتبن والعلف

يكون المخزن جاف وليس رطب وبه تهويه لعدم نمو بكترى بداخله ويطهر قبل تدخيل التبن او الدريس والعلف وان لا تزيد مده التخزين عن 6 أشهر انا عن نفسى 3 او 4 شهور

ثالثا:- هتربى ايه وعاوز ايه من التربيه وايه اللى ماشى عندك او تقدر تسوقه وتبدء بيه ويبق ليك الاسبقيه فيه او مميز فيه

رابعا :- العلف والغذاء

تركيبه العلف ودى اهم حاجه نسبه الذره لاتزيد عن55% الرده لاتزيد عن20% الصويا والفول او كسب كتان او اى مصدر عالى فى البروتين دا هو اللى بيتحكم فى رفع وخفض النسبه ولا تزيد عن20% ولا تقل عن12% وقشر فول  او تفله شعير وكل دا تقريبا زى التبن بس مفيد للكرش و للمجترات زره عويجه قمح لا تزيد عن10% وطبعا الاضافات دى ضرورة جدا جدا جدا ........ ولازم تضاف على الخلطه والنسبه للطن كلاتى :-  2ك خميره حيوانى 3ك املاح معدنيه 2ك فيتامين أد3هه 1ك ثنائى فوسفات الصوديوم 1ك بدره ثوم 1ك بدره بصل نصف كيلو شطه نصف كيلو كربوناتو نصف كيلو كوركوم  كيس مضاد سموم  7ك ملح طعام 8ك بدره بلاط وتخلط كل دا فى نص شكاره رده وبعد كدا وانت بتفضى الخلطه تنوع فى التفضيه وبين كل شكاره تاخد من الاضافات اللى متخلطه فى نصف شكاره الرده وترش عليها لحد ما تنتهى وتقلب وترجع ترد تانى التقليب وتعبى الخلطه اللى انت عملتها واللى انت هتشتغل عليها

خامسا :-  كميه العلف لكل حيوان وهى حسب الوزن مش بس احط وخلاص كدا يبق تهدير  الاكل حسب الوزن والتحويل وعامتا لكل100ك 1ك وربع علف ويقسم على مرتين او ثلاث مرات وبتأكل ملئى برسيم دريس دراوه اى حاجه ملئه وبتكون من1&2كيلو فى اليوم لكل100كيلو

وكل عمر ولكل فئه لها خلطه بروتين معينه من14%& 18% اقل شئ 

سادسا :- التحصين والعلاج

بص المفروض انك بطعم تلات تطعيمات في السنة. (الجدري/والدموي/والطا عون)

الافوماك او البدائل له وكل نوع حسب فيه امن للعشار وفيه غير امن وفيه 1سنتى لكل50ك وفيه 1سنتى لكل25

علاج الديدان

تجريع بندازول  10 % 1 سم لكل 10 كيلو ويكرر بعد 21 يوم التجريع على الريق ويقدم الأكل بعد ساعتين  وفيه

علاج الديدان

كلوزاماكتين 

ده شامل جوه وبره

1سنتى لكل25 تحت الجلد ويتكرر بعد21يوم

كل سته شهور

ده رف ادويه بيطري وبديلها البشرى

السخونيه_بشكل_عام:-

الدواء البيطري:- ديكلو بريما أ& ديكلو5 أ& فينادين مره في اليوم لمدة يومين الي ٣ايام .

الدواء البشري:- انبولات ديكلوفين او لبوس دولفين مره في اليوم لمده يومين الي ٣ايام ايام.

دمامل_وخراريج:-

الدواء البيطري:- بن استريب و مرهم يود لو لسه مفتحش و اكسيجي بخاخ وآلاميسين ط.م لو استوي وفتح 

الدواء البشري:- كبسول اوجمنتين او هايبيوتك.

الجرب:-

الدواءالبيطري:- غسيل ببيوتكس ٣سم عاللتر + ايفوماك مرة وتكرر بعد ١٥ يوم أ& مرهم مينج سايد دهان مرتين يوميا وفي حالة العشار يبقي المرهم فقط.

الدواء البشري :- إيفرزين بخ مرتين يوميا.

الاسهالات:-

الدواء البيطري:-  اقراص  مره كل ١٢ ساعه (برشام تيرافيت او اوكسي تاب) حقن سلفاديميدين مرة في اليوم.

الدواء البشري:- کابكت مركب شرب أ& انتينال شرب أو فلاجيل شرب او سيمكتاشرب كل ده مرتين في اليوم . 

او خلطة بلدي((( تجيب ٣برشامات انتوسيد بشري بتاع الاسهال وتطحنهم + معلقه نشا كبيره + معلقه كبيره شاي ناشف وتخلطهم ببعض وتذيبهم في ١٠٠ ملي ماء وتجرع بالفم مره في اليوم)))

التهابات_العيون:-

الدواء البيطري:- غسيل العين ب اوكسي ٥٪ او آلاميسين طويل مفعول مرتين يوميا.

الدواء البشري:- مرهم تيراميسين مرتين يوميا او قطاره كوڤازير مرتين يوميا.

إلتهابات_وفطريات_الفم:-

الدواء البيطري:- بخاخ اوكسي جي+حقن مضاد حيوي

الدواء البشري:-  ميكوناز_چل وندهن الفم واللسان قبل الاكل بنص ساعه او ميكوستاتين تقطير بالفم قبل الاكل بنص ساعه وبعد الاكل بساعه .

الضعف_العام :-

لو حاقن ايفوماك ومجرع بندازول او هابيدكس وعلفتك متوازنة ومفيش تحويل تعمل إيه؟؟؟؟

الدواء البيطري :- حقن(( مالتي فيتامين او ميتافوسفان او فيتاجكت او AD3E)) وتجريع سوبرماش او بايكودايچست .

وتجريع خميره حيواني درنك .

الدواء البشري:- حقن تراي بي او نيوروفيت او نيوروتون + تجريع بالفم عسل اسود.

وان شاء الله البوست القادم هيبق الاعشاب والطرق اللى العرب او البدو بيستعملوها

ويارب يبارك لكل واحد ويسترها علينا وعليكم

واللى عنده اضافه يبق فى التعليقات